Official webpage of UGPV ALBANIA Per nje pamje vizive me te mire ju keshillojme IE7 ose Mozilla
NE SHERBIMIN TUAJ- IN YOUR SERVICE...qellimi i ekzistences sone... |
Per cdo gje mund te kontaktoni: info@ugpv.org, ugpv@journalist.com, ugpv@mail.org, Tel. +355(0)2242785, Fax. +355(0)2246519, Mob. +355(0)68226349 Postal address: Lagje "Q.Stafa", Godina 4- kateshe (TV1 Channel), Prane prefektures Shkoder, ALBANIA
|
|
|
|
L I D H J E - L I N K S ...miq, bashkepunetore dhe sherbime... |
|
|
|
Policia e Shtetit dhunon mediat e lira ne Veriun e Shqiperise
POLICET MBAJNE TE RRETHUAR ME ARME DHE NEN PRESION GAZETARIN ELVIS NABOLLI DHE KAMERAMANIN E TV ROZAFES
Nuk eshte hera e pare qe police te kalibrit te Arben Hajatit, ushtrojne dhune fizike dhe psikologjike ndaj qytetareve por edhe gazetareve tashme. Zoti Minister i Brendshem, Zoti Drejtor i Policise se Shkodres: largoni nga puna ata qe cenuan dhe do te cenojne lirine e shtypit dhe njerezit e madias!
Unioni i Gazetareve Profesioniste te Veriut (UGPV) shpreh revolten e vet per ngjarjen e paprecedent te dhunimit te fjales se lire dhe gazetareve te pavarur ne Veriun e Shqiperise. Pershkallezimi i dhunes fizike dhe psikologjike, ka arritur ne nivele shqetesuese, nisur edhe nga rasti me i fundit i dhunimit psikologjik por edhe fizik te gazetarit Elvis Nabolli dhe kameramanit qe e shoqeronte ne krye te detyres. Ndersa po kthehej nga nje sherbim per porosi te Televizionit Rozafa, grupi i xhirimit, i cili udhetonte ne nje makine private te marre me qera, eshte bllokuar nga njerez te armatosur te veshur me uniformen e shtetit: ate te policise se tij! Pas nje kontrolli te ushtruar tek personat qe ishin te makine, nje nga pasagjeret ka rezultuar se mbante nje arme pa leje dhe natyrshem eshte arrestuar ne flagrance me akuzen e "armembajtjes pa leje". Pas verifikimeve te nevojshme dhe pyetjeve, grupi i xhirimit duhej te lihej i lire, por ne fakt nuk ka ndodhur keshtu. Zelli i jashtezakonshem e policeve, ne menyre te vecante i nje personi te quajtur Arjan Hajati per ti sherbyer qellimeve te mbrapshta te shefave brenda apo jashte rradheve te policise se shtetit, ka sjelle nje presion te jashtezakonshem tek gazetaret. Ata nuk jane lejuar te
zbresin nga makina ku gjendeshin, nuk jane lejuar te telefonojne dhe madje me pretotence u eshte thene se "do te beni cfare t'ju themi ne". Per mese tre ore, grupi i xhirimit eshte mbajtur ne kushte te verteta terrori psikologjik, por edhe fizik ne nje fare menyre. Personat e veshur me uniformen e shtetit, edhe pse kishin para syve mjetet e punes: mikrofonin me logon e TV Rozafes, kameran me logon e TV Rozafes por edhe fytyren e njohur te gazetarit, kane arritur deri atje sa te shprehen se "nuk kemi pranga te tjera, pasi do ua kishim hedhur edhe juve". Me pas, grupi i xhirimit eshte sjelle ne mjediset e Drejtorise se Policise se Qarkut Shkoder, ku jane liruar pasi u eshte sekuestruar kaseta filmike ku ishin fiksuar pamje te lajmit per te cilin ishin nisur me sherbim ne komunen e thelle te Vig- Mnele.
 Gazetari Elvis NABOLLI
Duhet thene se nuk eshte hera e pare qe punonjes te policise se shtetit, kane te tilla qendrime jo vetem aspak profesionale, por edhe jashte etikes me minimale njerezore te sjelljes. Ajo cfare eshte me shqetesuesja, ne dijeni te rasteve te tilla, jane edhe drejtuesit me te larte te uniformave blu te qarkut te Shkodres, edhe permes provave filmike, sic ka qene edhe nje ngjarje me e rende e ndodhur me kameramanin e TV1 Channel disa muaj me pare ne mjediset e Spitalit Rajonal te Shkodres, me personazhe kryesore punonjes te veshur me uniformen e shtetit. Tashme perplasje te tilla edhe ne krye te detyres, "nxjerrje e dhembeve" e policeve te vecante ndaj mediave dhe gazetareve, jane kthyer ne nje shqetesim te hapur dhe publik per gazetaret ne Veriun e Vendit.
Kete here, ne nuk mjaftohemi thjeshte me shprehjen e indinjates sone te thelle per ngjarjen e rende dhe te paprecedent.Kerkojme fillimisht nga drejtori i Policise se Qarkut Shkoder, Nikolin Bala, ta shikoje me seriozitetin e duhur kete ngjarje jashtezakonisht te rende dhe qe rrezikon te minoje perfundimisht raportet e bashkepunimit ne mes mediave dhe policise. Kerkojme nga kreu i uniformave blu te beje nje distancim publik nga vartesit e tij te papergjegjshem, te paafte dhe jo profesioniste, qe dhunojne edhe gazetaret e njerezit e medias. Kerkojme marrjen e masave konkrete deri ne largim nga puna te punonjesve te implikuar, mesa duket jo me qellim zbatimin e ligjit, por ushtrimin e presionit ndaj gazetareve per te mos publikuar ngjarje apo lajme qe kane lidhje me te aferm te hierarkeve te larte te piramides shteterore. Nese te gjitha keto bien ne vesh te shurdher, jemi te vendosur ti kerkojme kryeministrit Berisha, ministrit te brendshem Nishani, drejtorit te pergjithshem te policise se shtetit Premci, te largojne nga detyra drejtuesit me te larte te Drejtorise se Policise se qarkut te Shkodres, pasi po njollosin policine ne Shkoder. Njoftojme gjithashtu, se shume shpejt do te sensibilizojme te gjitha organizmat nderkombetare, diplomatike dhe shteterore, institucionet e ndryshme, duke e konsideruar si menyren e fundit dhe te vetme te mbrojtjes nga sulme te tilla te paprecedent. Nese te gjitha keto do te bien ne veshin e shurdher te drejtuesve te policise se qarkut te Shkodres, jo vetem antaret e UGPV Albania, por i gjithe komuniteti i gazetareve te Veriut, do te protestoje para Drejtorise se Policise se Qarkut Shkoder, duke perkuar edhe largimin e drejtuesve te tij me te larte.
Presidenca e UGPV Albania
----------------------------------------------------------------------------
----------------------------------------------------------------------------
SQARIM I DREJTORIT TE POLICISE SE QARKUT SHKODER, KRYEKOMISAR NIKOLIN BALA NE LIDHJE ME NGJARJEN E MESIPERME.
Prej disa muajsh jemi në dijeni të një konflikti që ekziston midis disa banorëve të fshatit Vig, në Komunën Vig-Mnelë të Rrethit Shkodër dhe punonjësve të firmës “Oskeola” lidhur me çështjen e shfrytëzimit të një miniere kromi në këtë zonë.
Mbi bazën e informacioneve të marra ditët e fundit në të cilat bëhej fjalë se konflikti ishte tepër i acaruar dhe mund të çonte në ngjarje të rënda kriminale, deri në konfrontim me armë, pasi banorë të përfshirë në këtë konflikt qarkullonin të armatosur, efektivat e policisë të Stacionit të Policisë Bushat janë angazhuar në marrjen e masave për parandalimin e krimeve të rënda.
Me dt.07.05.2008, rreth orës 13.20, në telefonin Nr.129 të Sallës Operative të Drejtorisë së Policisë Shkodër është bërë një telefonatë ku theksohej se në fshatin Vig të Komunës Vig-Mnelë ka një konflikt, midis disa banorëve të këtij fshati dhe punonjësve të firmës “Oskeola” ku në konflikt janë përfshirë përsona të armatosur (Telefonata është bërë nga përfaqësues të firmës “Oskeola”).
Me të marrë këtë informacion punonjës të policisë efektiv të Stacionit të Policisë Bushat nën drejtimin e Shefit të Stacionit N/Inspektor Arjan Hajati, janë nisur menjëherë në drejtim të vendit ku kishte ndodhur konflikti.
Kur janë afrur tek vendi ku sipas informcaionit të marrë kishte ndodhur konflikti, rreth orës 14.20, efektivat e policisë kane parë një automjet tip “Fuoristradë”, marka “Nissan Patrol”, me targë SH 3523 D, ngjyrë të kuqe, në të cilën udhëtonin pesë përsona. Në momentin që punonjësit e policisë i kanë bërë shenjë automjetit për të ndaluar njëri nga përsonat që ndodhej në automjet, pikërisht shtetasi Ndue Frrok Ndoj, të cilit dukshëm i shquhej një arme që mbante në brez, ka tentuar të largohet nga automjeti, por është bllokuar nga punonjësit e policisë dhe gjatë kontrollit, atij i është gjetur në brez një armë zjarri pistoletë TT, me një kreher me shtatë fishekë, të cilën e mabnte pa leje. Në momentin që është kapur nga forcat e policisë ky shtetas është prezentuar si gazetarë. Në automjet sëbashku me këtë përson ishin edhe shtetasit. Nikollë Pjetër Lazri, Artur Drabeja, Elvis Nabolli dhe Ladimir Mark Ndoj (ky i fundit drejtuesi i mjetit).
Më tej punonjësit e policisë, në zbatim të nenit 298, të Kodit të Procedurës Penale, kanë kërkuar të ushtrojnë kontroll të automjetit dhe përsonave, por gjatë kryerjes së këtij veprimi, shtetasit Artur Drabeja dhe Elvis Nabolli, kanë kundërshtuar forcat e policisë, për të mos lejuar kryerjen e kontrollit duke u prezantuar si gazetarë dhe kanë kërkuar që të largohen me gjithë automjet. Nga ana e punonjësve të policisë është kërkuar që këta përsona të paraqitnin dokumetet e identifikimit si gazetarë, por ata nuk dispononin as dokumente identifikimi si gazetarë dhe as ndonjë dokumet tjetër identifikus si shtetas, dhe si mjet identifikues ata tregonin vetëm një kamera televizive. Të gjendur para kësaj situate, punonjësit e policisë kanë komunikuar me Drejtorin e Policisë së Qarkut, duke i raportuar për situaten, dhe pasi Drejtori i Policisë ka urdhëruar që të shoqërohen mjeti me të gjithë përsonat për në ambientet e Komisariatit, kanë bërë shoqërimin e përsonave sëbashku me automjetin për në ambientet e Komisariatit të Policisë Shkodër, për të kryer veprimet proceduriale të mëtejshme.
Pas verifikimit të dokumentacionit të automjetit, rezultoi se drejtuesi e automjetit Ladimir Mark Ndoj, drejtonte automjetin me Dëshmi Aftësie per Drejtim Automjeti (patentë) të fallsifikuar.
Më pas në Komisariatin e Policisë Shkodër janë paraqitur edhe punonjës të firmës “Oskeola” të cilët kanë bërë kallzim dhe kanë identifikuar Ndue Frrok Ndoj e Nikollë Pjetër Lazri, si autorë të kanosjes së bërë ndaj tyre, ndërsa shtetasit Artur Drabeja, Elvis Nabolli dhe Ladimir Mark Ndoj, si përsona që kanë qënë prezent në vendngjarje.
Mbi këtë bazë, u bë arrestimi në flagrancë i shtetasit Ndue Frrok Ndoj, dhe ndaj tij Prokuroria e Rrethit Gjyqësorë Shkodër ka filluar Procedmin Penal Nr, dt.08.05.2008, për veprat penale “Armëmbajtje pa leje” dhe “Kanosje” të kryer në baskëpunim me përsona të tjerë, parashikuar nga neni 278, paragrafi i dytë dhe neni 84 dhe 25 të Kodit Penal.
Po kështu në ngarkim të shtetasit Ladimir Mark Ndoj, Prokuroria e Rrethit Gjyqësorë Shkodër ka filluar Procedmin Penal, dt.08.05.2008, për veprat penale “Fallsifikim dokumentesh”, parashikuar nga neni 186, paragrafi i parë i Kodit Penal.
Pas kryerjes së veprimeve proceduriale, (marrjes së deklarimeve përkatëse), përvec shtetasit Ndue Frrok Ndoj që është arrestuar në flagrancë, të katër përsonat e tjerë (Nikollë Lazri, Artur Drabeja, Elvis Nabolli dhe Ladimir Mark Ndoj), janë lënë të lirë.
Dy Gazetarët Artur Drabeja dhe Elvis Nabolli të cilët janë identifikuar si të tillë pas ardhjes në ambientet e Komisariatit të Policisë Shkodër, kanë qëndruar në ambientet e këtij Komisariati për një periudhë prej rreth 40 minutash, (nga ora 17.00 deri në orën 17.40), kohë gjatë së cilës janë kryer disa veprime proceduriale të domosdoshme për t’u pyetur në cilësinë e përsonave që tregojnë rrethana hetimi në bazë të nenit 297 te Kodit të Procedurës Penale, pasi ata kanë qënë prezent (dëshmitarë) në dy vepra penale të ndodhura (kanosje me arme dhe armëmbajtje pa leje). Ndërsa periudha nga ora 14.20 deri në orën 17.00, ka qenë periudha që policët kanë kryer veprime në vendngjarje si dhe koha e udhëtimit nga fshati Vig deri në Komisariatin e Policisë Shkodër, që sic dihet është një rrugë e gjatë, malore dhe e amortizuar, ku qarkullimi i automjeteve kryhet me shumë vështirësi.
Theksojmë se nga efektivat e policisë nuk është bërë sekuestrim i ndonjë kasete, kamere, mjeti tjetër pune, apo sendeve të tjera përsonale që kanë patur me vete gazetarët. Po kështu nuk është ushtruar asnjë lloj dhune fizike apo psikologjike ndaj tyre.
Lidhur me konfliktin që kanë patur disa fshatarë, banorë të fshatit Vig me përfaqësues të firmës “Oskeola”, ju sqarojmë se ky konflikt ka lindur para disa muajsh, dhe ka të bëjë me shfrytëzimin e një sasie minerali kromi që gjendet në këtë zonë.
Përfaqësuesit e Firmës “Oskeola” dhe banorët e fshatit Vig, janë kofliktuar disa here me njëra tjetrën, pasi banorët kanë bllokuar rrugën duke mos lënë, mjetet dhe automjetet e Firmës “Oskeola” të ushtrojnë aktiviteten e tyre për shfrytëzimin e mineralit, me preteksin se ata (banorët e fshatit), janë pronarë të tokës. Në konfliktet e ndodhura, për parandalimin e ngjarjeve të rënda, në disa raste është ndërhyrë edhe nga organet e policisë, të cilat në tre raste edhe kanë bërë shoqërimin e përsonave në konflikt për në Komisariatin e Policisë Shkodër.
Theksojmë se për konfliktet që kanë patur Firma “Oskeola” me banorët e fshatit Vig, Prokuroria Prane Gjykatës së Shkallës së Parë Shkodër ka filluar edhe Procedimin Penal Nr.278, dt.07.04.2008.
Drejtori i Policisë Qarkut
Kryekomisar Nikolin BALA
|
|
Gazeta "Veriu Observer", botim i UGPV Albania
|
NJOFTIM- INFORMATION Presidenca e UGPV Albania |
| Presidenca e Unionit te Gazetareve Profesioniste te Veriut (UGPV) i kujton te gjithe personave te ngarkuar por edhe antareve te Shoqates ne te gjitha deget, se per mosarketimin e kuotave te shoqates per muajt janar-shkurt-mars 2008, ne zbatim te Statutit te UGPV-se dhe Vendimeve te Asamblese per kete ceshtje, konsiderohen te pezulluar nga antaresia ne Shoqate. Ne mbledhjen e ardhshme te Asamblese se UGPV-se do te vendoset perfundimisht nese do te zyrtarizohet c'rregjistrimi i personave qe kane shkelur Statutin dhe vendimet e Mbledhjes se Pergjithshme te Antareve (Asamblese).
|
MISIONI YNE- OUR MISSION ...union makes power... |
UNIONI I GAZETAREVE PROFESIONISTE TE VERIUT (UGPV) OFRON MBESHTETJE INSTITUCIONALE NE CDO KOHE PER GAZETARET DHE PUNONJESIT E MEDIAS, PER CDO PROBLEM QE ATA MUND TE KENE. TE GJITHE TE INTERESUARIT JANE TE LUTUR TE KONTAKTOJNE ME TE GJITHA MENYRAT E KOMUNIKIMIT QE NE KEMI VENE NE DISPOZICION NE RUBRIKEN "KONTAKTE" TE WEB-it TONE. JU MIREPRESIM!
|
| 
|
|
| |
U G P V | K O N T A K T E | S T A T U T I | A S A M B L E J A | D E G E T | P R E S I D E N C A | D E K L A R A T A | P R O J E K T E | F O T O A R K I V |
Modified by TEOgraphicDesign Dergo pershtypjet tuaja Mbeshtetur nga Lega Albanese- Copyright © 2008 UGPV Albania
|
Sunday, 18 May 2008 
